HASTAPENAK
KOTEI-WASA teknikak (kokapen berean). Lehenengo bi hilabetetik aurrera HOKEI katak ikasten dira, shyoto-kan-ekoen (taikyoku) antzekoak. Arnasketa naturala eta hastapena lantzen dira. "Kihon" teknikak erraza samarrak dira, oinarria ondo lantzea bilatzen baitute. Teknikak Nogare arnasketarekin egiten dira.

OINARRIZKOA
IDO-WAZA teknikak (kokapen aldaketa). SHURI-TE estiloko PINAN (HEIAN) katak ikasiaz hasten dira. Kata hauen mugimenduak azkarrak eta arinak izaten dira.

ERTAINA
TAISABAKI (izkin egitea) lantzen hasten dira eta TOMARI-TE estiloko katekin hasten dira. Hauek SHURI-TE estilokoak baino motelagoak dira. Teknika gehienak marra zuzenean egiten dira, borobil estiloko teknikak ere aurki baditzakegu ere.

GOI-MAILAKOA
NAHA-TE estiloko "SHOREI-RYU" katak lantzen dira. Estilo honetan posturak ez dira gehiegi aldatzen eta eskua zabalduta erabiliz teknika asko lantzen du. Hankekin erabiltzen diren teknika gehienak chyudan eta gedan mailatan egiten dira. Bbunkai kumite-n taisabaki mailako lanarekin gauzatzen dira teknikak. Teknikak borobilekoak dira eta maila honetan teknika multzo osoa arnasketa gogorraz -Ibuki- egiten dira.

GOI-MAILAKO HELDUAK
Chinar jatorriko katak ikasten dira eta horietako batzuk ezagutzen ez diren irakasleenak dira.